首頁 » » 英超 車仔破寸王紀錄 非常方法送別泰利

英超 車仔破寸王紀錄 非常方法送別泰利

作者:Janice 發表日期:2017-06-04 06:19:01 分類:

即上英超刨績王:http://win.on.cc/epl 

車路士今季捧盃實至名歸,提早奪標之餘,並於煞科一輪創下威水紀錄!04/05及05/06球季,莫連奴帶領車仔蟬聯英超冠軍,兩季都贏出29場波;今季聯賽最後一戰,車路士雖然先守1球,但之後連下5城,以5:1反勝黑貓,錄得本季第30場勝仗。今仗亦係隊長泰利告別戰,車仔更以特別方式送別呢位忠臣。

今仗泰利戴上隊長臂章打正選,到26分鐘,領隊平地示意換人,原來係換走泰利。泰利於車仔一直着26號,特登揀呢個時候將佢調離火線,可謂別有意義。佢慢慢步出球場,接受全場車粉起立致意,其他隊友就於接近場邊分兩排鼓掌恭迎隊長,向佢作出最後致敬。泰利於離場一刻,將自己個隊長臂章,戴上接班人加利卡希爾手上,之後作深情擁抱,場面感人。呢個特別安排,原來係泰利同領隊干地共同諗出嚟,對手領隊莫耶斯賽前已經知道並同意,已着黑貓球員到時唔好比賽住。

雖然呢個舉動,有當地評述員過得過火,認為英超並非荷里活,但對現場車迷、車仔職球員同泰利嚟講,都非常滿意。賽後車仔於史丹福橋繼續開Party,並舉起英超獎盃,泰利亦眼濕濕拎起支咪向球迷道別,佢話車仔咁多年對佢嘅栽培,以及帶畀佢嘅一切榮譽,佢講幾多句多謝都唔夠,而佢離隊之後,將會繼續做車仔球迷,並承諾有朝一日會回歸球隊,場面感人。

東網體育同你追實體壇每個精彩時刻! 
http://bit.ly/2ecTF2A 


本文来源:http://hk.on.cc/hk/bkn/cnt/sport/20170522/bkn-20170522005524675-0522_00882_001.html

Tag:
本文鏈接:http://www.learn-mandarin-hk.com/13171.html